Pozita gjeografike, vlerat territoriale & historiku

Komuna Stebleve shtrihet ne pjesen lindore te Shqiperise ne kufi me Maqedonine, ne pjesen me veriore te rrethit te Librazhdit, ne mes te rruges kombetare qe lidh Librazhdin me Dibren. E vendosur mes bjeshkeve dhe pyjeve te shumte duke filluar nga Fushe - Studna me fshatin Llange e duke perfunduar ne Malin e Carit, perpjete Perroit te Govatave tek Guri i Shqipes. Ajo ben pjese ne zonen klimaterike mesdhetare malore me dimer te ftohte dhe vere te fresket. Ne dimer debora arrin trashesi deri ne 1m. Fusha e Studnes, Fusha e Kucoves, Fusha e Draganit, Fusha e Mllaces, Fusha e 30-es (tek piramida) jane nje perle e vertete dhe vende qe ofrojne mundesi te medha per turizem malor veror dhe dimeror. Keto fusha shtrihen ne lartesi nga 1200 - 1800m mbi nivelin e detit, dhe per sfond kane Malin e Gurit, Malin e Zylit, Malin e Mirakes, Malin e Kallkanit, Malin e Raducit, Malin e Carit, te bukur, te larte dhe terheqes. Stebleva ndodhet 110km larg Tiranes, ne nje lartesi 1200m mbi nivelin e detit. Ajo kufizohet ne veri me fshatrat Klenje, Gjinovec e Trebisht, ne lindje me kufirin shteteror me Maqedonine, ne Jug me fshatin Qarrishte te Librazhdit dhe ne perendim me fshatin Borove. Deri ne vitin 1992 ka qene fshat i Rrethit te Dibres.

Pas vitit 1992 u bashkua me Rrethin e Librazhdit dhe Qarkun e Elbasanit per shkak te afersise.